Za lubujucych serbskeje kultury se społk lětosa južo wuwześnje (!) na zachopjeńku decembra z PRATYJU 2022 pśizjawijo. Wuměłska PRATYJA jo w běgu lěśa togo lěta w kooperaciji z dolnjoserbskeju wuměłcowku Hella Stoleckojc nastała a wopśimujo dwanasćo wobrazow. W ramiku rafiněrowaneje měšańce nowšych a staršych wuměłskich twóŕbow, namakajotej se mjazy grafikami a mólbami cysta lubosć k pódrobnosći a inspiracija pśeměnjenja.
A2, offset śišć na mutnej papjerje (300g/m2).
Njesigněrowana pratyja: 40€ (+ 7,50€ rozesłanje, až do 4 pratyjow mógu se w jadnom pakśiku wótpósłaś)
Skazańska płaśizna pratyjow jo wó 20% niša za cłonkow Swobodneho społka z.d.
Skazanki su pód kontakt@swobodny-spolk.org móžne.
