Kóžda zajimowana wosoba móže próstwu wo přiwzaće do społka stajić. Za to ma sćěhowacy formular wupjelnić a pak digitalnje přez mejlku abo přez póštu na nas pósłać.
Předsydstwo informuje po pruwowanju přistupneje próstwy zajimowanu wosobu, hač je so přistup přizwolił. Na to připósła předsydstwo SEPA-formular, kotryž dyrbi so wot čłona abo čłonki wupjelnić a na społk wróćo pósłać. Tutón zmóžni awtomatiske wotknihowanje měsačnych přinoškow wot konta. Nimo toho ma čłon abo čłonka načasnje a jónkrótnje swój překupski podźěl na konto społka přepokazać.
Dalše informacije wo kondicijach a móžnosćach sobuwobdźělenja na rozsudach społka namakaće w našich wustawkach.
Za dalše prašenja stejimy pod kontakt@swobodny-spolk.org k dispoziciji.